Абай облысы әкімінің қатысуымен білім күні өтті

1 қыркүйек – Білім күніне орай облыс әкімі Берік Уәли Семей қаласының Степной кентіндегі №46 мектепте өткен салтанатты жиынға қатысты. Шараға Қазақстанның Еңбек Ері, ұлағатты ұстаз Алма Шүкіжанова да қатысты.

Аймақ басшысы оқушыларды, ұстаздар мен ата-аналарды жаңа оқу жылының басталуымен құттықтап, жас ұрпақтың білімі мен тәрбиесі – ел болашағының негізі екенін атап өтті.

2022 жылы ашылған №46 мектеп жаңа оқу жылын 402 оқушымен бастайды. Білім ордасы қажетті материалдық-техникалық базамен жабдықталған. Биыл мектептің алғашқы түлектері үлкен өмірге қадам басты.